Rreth nesh

Nga Instagrami, te ti

Cactus Vintage nisi si një faqe e vogël në Instagram — dhe kemi kaluar tashmë mbi 350 shitje. Rritemi copë pas cope, me klientë që kthehen sepse e dinë se çfarë marrin.

Çdo copë e zgjedhim vetë: e kontrollojmë për defekte, e pastrojmë, e matim dhe e fotografojmë ashtu siç është. Kur një copë ka shenja përdorimi, ato duken në foto dhe shkruhen te gjendja — pa surpriza.

Pse vintage?

Sepse rrobat e mira jetojnë më gjatë se një sezon. Një xhaketë pune Carhartt, xhinset Levi’s 501 apo një fleece Patagonia nga vitet ’90 janë bërë për t’u veshur me vite — dhe secila prej tyre është e vetmja e llojit të saj. Kur blen vintage, i jep një rrobe të mirë jetë të dytë.

Si punojmë

• Vetëm një copë: çdo artikull ekziston një herë. Kur shitet, s’kthehet më.
• Dërgesa falas në Kosovë: pa minimum porosie, me pagesë në dorëzim.
• Brendet që i duam: Levi’s, Carhartt, Ralph Lauren, Nike, adidas, The North Face, Patagonia, Dickies, Stone Island, Stüssy e shumë të tjera.

E mbajmë faqen të thjeshtë që të gjesh shpejt atë që kërkon. Na shkruaj kur të duash në Instagram @cactusvintagestore — përgjigjemi vetë.

Faleminderit, Cactus Vintage 🌵